skip to main |
skip to sidebar
2011-04-24
- مانرضاش .. يخاصم القمر السما
- مانرضاش .. تدوس البشر بعضها
- مانرضاش .. يموت جوة قلبى نداء
- مانرضاش .. تهاجر الجذور أرضها
مانرضاش
- قلبى جواى يغنى وأجراس تدق لصرخة ميلاد
- تموت حتة منى ، الأجراس بتعلن نهاية بشر من العباد
- دى الحكمة قتلتنى وحيتنى وخلتنى ، أغوص فى قلب السر
- قلب الكون .... قبل الطوفان ما يجى
- خلتنى .. أخاف عليكى يا مصر ، وأحكيلك على المكنون
- مين الى عاقل فينا . مين مجنون ؟
- مين الى مدبوح م الالم . مين الى ظالم فينا مين مظلوم
- مين الى مايعرفش غير كلمة نعم
- مين الى محنيلك خضار .. الفلاحين الغلابة
- مين الى محنيلك عمار .. عمالك الطيابة
- مين الى بيبيع الضمير ،، ويشترى بية الدمــــــار
- مين هو صاحب المسألة ، والمشكلة ، والحكاية والقلم
- رأيت كل شئ وتعبت على الحقيقة
- قابلت فى الطريق عيون كتير بريئة
- أعرف بشر .. عرفونى " لأ " لا ما عرفونيش
- قبلونى وقبلتهم
- بمد إيدى لك .. طب ليه ما تقبلنيش ؟!
- لا يهمنى إسمك لا يهمنى عنوانك لايهمنى لونك ولا بلادك مكانك
- يهمنى الإنســــــــــــان ولو مالهوش عنوان
- ياناس يا ناس يا مكبوتة
- هى دى الحدوتة
- حدوتـــــــة مصريــــــة
0 للتعليق >>> إضغط هنا:
إرسال تعليق