شمس المغيب





وأنا وياّ شمس المَغيب .. بغيب ، وإنتى بتشرقى
بتكدب الحقايق فى العالم الغريب . وإنتى بتصدُقى
بحبك
وحبك شهادة ميلاد
عيونك شواطى الأمل والميعاد
ولما تهز الرياح فى نخيلك .. وتدمى الجراح مواويلك
مايدبلش ضيك ،، مايخلصش زيت قنديلك
يغيب ياما قمرك .. وتشرقى تانى فى ليلك

وأنــــا .. حرف تاية فى إسمك لون صغير فى رسمك
وأنــــا .. خيط فى شمسك فى أمسك فى بكرة الى جاى قريب

وأنا ويا شمس المغيب بغيب وإنتى بتشرقى
بتكدب الحقايق فى العالم الغريب وإنتى بتصدقى
يــا بلآدى ..
                                           كلمات : عبد الرحيم منصور

0 للتعليق >>> إضغط هنا: