الخيار " للشعب "

لا تقولى عسكر ولا اخوان

هو الشعب مالوهش لسان ؟

هد طاغوت واداله شلوت

والدور على عصابتك يا عنان

زيف واكدب عّلِى الباطل

وعلى الحق تغيب وتماطل

بكرة الثورة هاتروى ولادنا

وانت فى نصبك

تصبح عاطل 

شوفونا تاريخكوا

كله دمار

استغلال وياّ التكفير

من ايام الاستعمار
ولحد بيادتك يا مُشير

بعت الدم بأبخس سعر

عيشنا القسوة شوفنا الذُعر
واما بتيجى تقوله حقوقى

يكدب ويقولك اعذار !

دم ده ايه اللى باعذار !؟

شوف بعتونا بكام مليار

مجلس شعب وشورى ومرسى

زبطوا العسكر جنب الكرسى

وشفيق قاعد قبل ما ترسى

وعلى الشعب قال ايه يختار !