بحلم




مبروك ولادة جيل .. مبروك بقى أسمى
مبروك علينا النيل .. يروى شروخ جسمى
مبروك أنا فرحان . متلخبط اتكلم
بالريشة والألوان .. بالظرف انا مزين
كاتب لبكرة جواب وباعتة لعنوانى
واصف فى بكرة حاجات اتمنى تلقانى
واصف شجاعة جيل .. واصف غنا ومواويل
واصف محبة تساع من الخلق بالملايين
واصف فانوس مكسور . من عركة امبارح
واصف ولد بيثور ع الظلم مش سامح
واصف ودمعى يزيد لما افتكر اكتر
واصف وفرجة قريب بس احنا نتغير 

بحلم كتير أجرى واطير، السما واسعة كلها خير، معايا ناسى واحبابى وانسى عذابى

مبروك وبتمنى كاتب كتير جوابات
مبروك وهستنى دة العمر لسة ما فات
اتمنى اشوف فى بلادى العدل شئ عادى
واتمنى اشوف الحاضر يمحى آسى الماضى
اتمنى اشوف طالب حاضن لكراسة
واتمنى اشوف الظابط رافع لفوق راسة
اتمنى اشوف عالم ،واتمنى اشوف فلاح
واتمنى اشوف الراجل لعليشة بقى مرتاح
ده الصبح هو حياتة راح تحلم ايه تانى

بحلم كتير أجرى واطير السما واسعة كلها خير معايا ناسى واحبابى وانسى عذابى
احلم وقوم حقق .. احلم وانا مصدق
واحلم وقبل ما احلم ......... الحلم يتحقق
احلــم .. وقول الى جواك

0 للتعليق >>> إضغط هنا: