عنيكى تحت القمر
كيف الكلام والخوف
فيهم كلام للقدر
مدارى مش مكشوف
بودى ازرع شجرة
شجرة حنان وضل
ترخى عليكى يا سمرة
تلم شمل الكل
....
الكون اسرة بحالة
واجيبة ليكى يا غالية
دانتى جماله ودلالة
يا نخلة بكرى يا عالية
ما فيش كسوف فى المحبة
ولا للمحبة شروط
عمرك ما تشعر بغربة
الا فى حنين مكبوت
وانتى يا سامعة وشايفة
احلامى فوق الوصف
من غير ما اقول انتى عارفة
فاهمة اللى فيه بالحرف
منين اجيبلك دار
شبابيكة ع البحرى
جوايا جنة ونار
ونا حملى على ادى
فى الماضى واللى جاى
اروح انده عليكى
ساعات ترد الناس
وساعات تجاوب عنيكى
عنيكى تحت القمر
كيف الكلام والخوف
فيهم كلام للقدر
مدارى مش مكشوف .
كلمات | عبد الرحيم منصور
2 للتعليق >>> إضغط هنا:
5/8/11
كلام جميييييييل اوى
5/8/11
كلام جميييييييييييل اوى
إرسال تعليق