عسكر .. ليه !؟


عسكر عسكر عسكر ليه
احنا صهاينة والا ايه
احنا الشعب المصرى الحر
رغم القسوة رغم المر
رغم ايام عدت ما تسُر
 شعب جراحة بتقويه

عسكر عسكر عسكر ليه
حتماً دايرة الثورة عليه

ومحسسنى ان انت مفلس
ومعيشنى فـ  توب الريس
طالع واكل حمل كيس
لك يوم تدفع تمنه يا بيه

عسكر عسكر عسكر ليه
قولة الحق ماتملى عنيه

والاعلام شغال تهليل
ع السقفة وطبل ومزامير
لجل ما يرضى الباشا مشير
حزب الكنبة بقى فـ ايديه

عسكر عسكر عسكر ليه
هى تكية ولا ايه 

سال الدم على حدود سينا
كفر فاطمة .. قاتل مينا
كل فئات الشعب اهالينا
وانت " الفتنة " اللى فـ  وسطية

عسكر عسكر عسكر ليه
حامى الثورة  يا ... عليه

0 للتعليق >>> إضغط هنا: